الخميس، 8 أبريل 2010

وحشتوني يا حبايبي يا جيراني

السلام عليكم

وحشتوني كتير كتير يا كماحة وبجد كنت مفتقدكوا تماما الفترة اللي فاتت وزي ما المثل بيقول لكل جواد كبوة

والزمن بيتغير لكن الواحد بيرجع يبص علي الماضي الاليم احيانا ً
ويشوف الناس اللي بدا معاهم

وبما ان التطور والتطوير اصبح من شيم المستقبل المنظور فانا قررت اني اساير المستقبل واكون انسان متحضر وملم بجميع انواع الثقافة الغربية وطبعا ده بعد اذنكو
قررت اني انقل المدونة بتاعتي علي الفيسبوك وذلك لعده اسباب مش فاكر منها اي حاجة

ربما لاتساع القاعدة الجماهيرية علي الفيسبوك والواحد محتاج يتعرف علي ناس اكتر

وهو ده رابط الجروب ولازم طبعا تشرفوني هناك لانكو عزوتي واهلي واحبالي ولازم كل اصحابي ييجو هناك يمضو حضور

فاهم يا ابو رامي انت ومحاسن وابو علي وكيارا وحبيبة وكفايه كده لحسن تعبت من كتر العد

http://www.facebook.com/group.php?gid=8896066997

وشكرا لحسن استماعكم

اللي مش هييجي هزعل منه اخر حاجة .. يعني بعد الموقف كده يا سطي
سلاموز لان عندى شغل كتير ولازم اعمله وقضايا كتير لازم احضرها واكل كتير لازم اكله

هناك 3 تعليقات:

سَارةٌ يقول...

هيييييييييه الأولى

سَارةٌ يقول...

آخد الكومنت التاني برده .. إحتلال يعني ..

أولا مبروووووووووووووووك عالمدونه الجديده الفيس توكيه ..

بس والله هتلاقي التدوين هنا حاجه .. والفيس توك حاجه تاني خاالص

هنا الواحد بيحس بمتعه اكتر والله ..

عالعمووم ألف مبرووك .. وفين حلاوة نقل المدونه بقى .؟

ثالثا .. المدونه رووعه بجد .. وعجبتني طريقة كتابتك ..

دي أول زياره ليا .. وإن شاء الله مش أخر زياره ^_^

مخنوق كيك يقول...

اهلا حبايه

اشكرك علي مداخلتك الجميلة واللي رفعت من معنوياتي

وانا عايز اوضح نقطة هامة جدا الا وهي ان المواضيع اللي هتكون علي الفيسبوك هتبقي هنا كمان عشان الناس الغلبانه اللي معندهاش فيسبوك برده تتابعني

وانا سعيد ان المدونة عجبتك والطريقة عجبتك لذلك انا عايز منك نص جنيه

وشكرا لحسن استماعكم
مخنوق كيك