بيدي اطهرك من الخيانة يا ولدي !!! ... جملة من اروع الجمل اللي سمعتها في افلام الخيانة وحب الوطن والجاسوسية
من احلي افلام المخرج علي عبد الخالق " اعدام ميت " بصراحة جملة تعني الكثير والكثير
لو بصينا كويس بين حروفها وكلماتها هنعرف انها تحتوي علي نوعين من الحب .. حب الوطن اولا وحب الاب لابنه ثانيا
لان حب الوطن طغي علي حب الابن .. وقتله عشان يطهره من خيانه بلده .. تعبير جميل وحب صافي ونبيل
طول عمري بحلم اني اعيش في وطن الناس اللي فيه تحبه بالطريقة الجامده طحن دي .. واحد ابوه يموته عشان خان بلده والتاني يموت نفسه في فيلم بئر الخيانة .. علي كده مصر دي غالية اوي وانا مش عارف
الحقيقة مصر تستاهل اكتر من كده .. مصر اللي شايلانا علي كفوف الراحة ومريحانا علي الاخر .. مصر اللي انت وانتي اتربيتوا عليها .
عادي يعني لما تفتح التليفزيون يوم في السنه وتلاقي فيلم طريق الي الات والرصاصة لا تزال في جيب البنطلون . واعدام ميت وبئر الخيانة .. ومفيش مانع لو لقيت عن طريق الخطا " الضمير العربي " .. وسفيت شويه دموع عليه
ما هو لازم تحب مصر غصب عنك وعن اللي جنبك .. حتي لو كارها لان مفيهاش شغل - هتحبها برده
علي الاقل اليومين دول بس ... خلي يومك يعدي
مفيش مانع تحشش طول السنة وتيجي اليومين دول تحب مصر .. خلي عندك شويه من اللاحمر .
انتماءك لبلدك عمره ما كان عيب عشان تهرب منه .. ولا كان حرام !! بالعكس انت لو راجل اصيل فعلا لازم تدافع عن مصر .. وتموت كمان . هي مصر اللي انت عايش فيها اقل من مصر اللي في فيلم عز الدين ؟؟
6 اكتوبر يوم انتصار عالمي كلنا بنفرح بيه .. قوام نسيت الجنود المصريين وهما ماسكين الخراطيم وبيوقعوا خط بولوبيف المنيع ؟؟؟ نسيت اننا ضحينا بارواح ناس كتير عشان انت تعيش ؟ قوام نسيت طوابير الصباح اللي كنا بنغني فيها مصر هي امي ؟؟
مصر مات فيها كتير وكتير عشان نفضل احياء .. وهيجي علينا يوم وهنموت احنا كمان برده عشان الجيل اللي جاي يعيش .. وماشاءا الله الاعلام قايم بالواجب وزياده علي اليوم ده .. وهتتظبط يا معلم افلام للصبح لحد ما تتنفخ وتقول حقي برقبتي
متقلقش هيعدي اليوم وهتدخل علي هيفاء ونانسي واليسا بس علي الاقل تعمل الواجب وتؤدي فروض الولاء والطاعة يا عميل البرجوازية يا شيوعي انت وهو .
وفي نفس واحد نقول سوا كلنا بنحب مصر وهنقتل ولادنا لو عملوا زي " منصور " .. دي برده مصر .. مصر
كل سنه وانتوا طيبين ويا رب دايما نكون في انتصارات وانتصارات
معلش التهنئة جت متاخره شويه لاني لسه مخلص خمسين فيلم من افلام 6 اكتوبر
اسيبكم بقي عشان الحق فيلم " الكيف " للمخرج علي عبد الخالق برده
عاش خاين ومات كافر
من احلي افلام المخرج علي عبد الخالق " اعدام ميت " بصراحة جملة تعني الكثير والكثير
لو بصينا كويس بين حروفها وكلماتها هنعرف انها تحتوي علي نوعين من الحب .. حب الوطن اولا وحب الاب لابنه ثانيا
لان حب الوطن طغي علي حب الابن .. وقتله عشان يطهره من خيانه بلده .. تعبير جميل وحب صافي ونبيل
طول عمري بحلم اني اعيش في وطن الناس اللي فيه تحبه بالطريقة الجامده طحن دي .. واحد ابوه يموته عشان خان بلده والتاني يموت نفسه في فيلم بئر الخيانة .. علي كده مصر دي غالية اوي وانا مش عارف
الحقيقة مصر تستاهل اكتر من كده .. مصر اللي شايلانا علي كفوف الراحة ومريحانا علي الاخر .. مصر اللي انت وانتي اتربيتوا عليها .
عادي يعني لما تفتح التليفزيون يوم في السنه وتلاقي فيلم طريق الي الات والرصاصة لا تزال في جيب البنطلون . واعدام ميت وبئر الخيانة .. ومفيش مانع لو لقيت عن طريق الخطا " الضمير العربي " .. وسفيت شويه دموع عليه
ما هو لازم تحب مصر غصب عنك وعن اللي جنبك .. حتي لو كارها لان مفيهاش شغل - هتحبها برده
علي الاقل اليومين دول بس ... خلي يومك يعدي
مفيش مانع تحشش طول السنة وتيجي اليومين دول تحب مصر .. خلي عندك شويه من اللاحمر .
انتماءك لبلدك عمره ما كان عيب عشان تهرب منه .. ولا كان حرام !! بالعكس انت لو راجل اصيل فعلا لازم تدافع عن مصر .. وتموت كمان . هي مصر اللي انت عايش فيها اقل من مصر اللي في فيلم عز الدين ؟؟
6 اكتوبر يوم انتصار عالمي كلنا بنفرح بيه .. قوام نسيت الجنود المصريين وهما ماسكين الخراطيم وبيوقعوا خط بولوبيف المنيع ؟؟؟ نسيت اننا ضحينا بارواح ناس كتير عشان انت تعيش ؟ قوام نسيت طوابير الصباح اللي كنا بنغني فيها مصر هي امي ؟؟
مصر مات فيها كتير وكتير عشان نفضل احياء .. وهيجي علينا يوم وهنموت احنا كمان برده عشان الجيل اللي جاي يعيش .. وماشاءا الله الاعلام قايم بالواجب وزياده علي اليوم ده .. وهتتظبط يا معلم افلام للصبح لحد ما تتنفخ وتقول حقي برقبتي
متقلقش هيعدي اليوم وهتدخل علي هيفاء ونانسي واليسا بس علي الاقل تعمل الواجب وتؤدي فروض الولاء والطاعة يا عميل البرجوازية يا شيوعي انت وهو .
وفي نفس واحد نقول سوا كلنا بنحب مصر وهنقتل ولادنا لو عملوا زي " منصور " .. دي برده مصر .. مصر
كل سنه وانتوا طيبين ويا رب دايما نكون في انتصارات وانتصارات
معلش التهنئة جت متاخره شويه لاني لسه مخلص خمسين فيلم من افلام 6 اكتوبر
اسيبكم بقي عشان الحق فيلم " الكيف " للمخرج علي عبد الخالق برده
عاش خاين ومات كافر
هناك 7 تعليقات:
6 اكتوبر يوم الانتماء الاكبر
عنوان جميل
له معنى ومعانى
يعنى 6 اكتوبر له معنى
والانتماء الاكبر يعنى مكانى
طيب
اضحك بقى علشان الصورة تبقى بانوراما
وبما انت حريف افلام
وواقع للشوشتك فى الغرام
وبعد يوم الانتماء هايكون فى هيام
كلامك 90 وتسعة من عشرة صحيح
حولنا حياتنا الى فيلم كبير
زحمة ولمة ومجانين
بس انت نسيت الخطبة العصماء
لبابا حسنى وهو بيتكلم عن النماء
وجيل اكتوبر وصنع الرخاء
والضربه الجويه ونسر الفضاء
الله اكبر هلل وكبر
النسر الجوى تطلع فى السما
مالقاش مكان رجع لنا
تحياتى
حلوة ياواد يا ابو نص اسم انت
ههههههههههههههه
ما احنا مابنحبش مصر الا في حالتين
في عيد 6 اكتوبر
وفي ماتشات المنتخب
تلاقي الاستاد مليان اعلام مصر ةالناس كلها عاملة العلم علي وشها
وبعد الماتش مايخلص كل واحد ماسك علم بيمسح بيه عربيته اللي سايبها قدام الاستاد من جزم العيال اللي كانوا واقفين فوقها علشان ينطوا سور الاستاد
يالله
ربنا يسترها علي مصر وعلينا
تحياتي
يم انك بتحب على عبد الخاق
يا ترى شفت اغنية على الممر
بردوا حربى بس كان عن النكسة
السلام عليكم
ازيك
قبل مااقول اى حاجه يعنى ايه مخنوق كيك ؟؟؟؟؟؟؟؟؟؟
مخنوق وعارفاها يعنى ايه بقى كيك؟
نيجى بقى لموضوعكالانتماء وحب الاوطان ده فطره ربنا خلقنا بيها زى حبك لاهلك
المشكله بقى مين اللى عمل مصر محمد على ومين اللى عمل مصر الحاضر
مصر هى مصر انما الفرق الناس اللى عايشين فيها
البلد مالهاش ذنب
وعلشان كده انتمائنا ليها مش لازم يتجزأ
يعنى مش علشان ظروفا بقت وحشه نكرهها ونسيبها انما المفروض نغير ظروفها بايدينا لاننا بنحبها
تحياتى جدا
دمت بخير
habiba
احييكي علي مداخلتك
بالنسبة لاسمي والكنية بتاعتي وهي مخنوق كيك .. كلمة كيك في الوقت الحاضر تعني جدا .. يعني مخنوق جدا . بس باسلوب ساخر شويه
المهم تعقيبا علي كلام حضرتك
كلامك كله حب وانتماء مع انك اول واحده في البلد هتسيبيها لو جالك فرصة عمل بره بمرتب كويس وعيشه كويس
حب الوطن - قطعة جغرافيه - هي فطرة بالفعل لاني لو كنت اتولدت في اسرائيل كنت حبيتها بالفعل برده
لكن دا مش سبب يخليني اقعد فيها وهي مش محترماني او معترفه بيا كبني ادم
انا لما اعيش في مصر واحب ارض مصر .. هاخد ايه ؟؟؟ انا بحب وطن لما يكون ناسه كويسين . غير كده ميلزمنيش
انا انتمائي الوطني هو للوطن اللي الاقيه فيه نفسي واثبت فيه ذاتي والاقي الناس فيه بيحبوني . مش سواق يعلي صوت التسجيل لحد ما وداني تتخرم وميكانيكي يرش عليا مية وانا معدي من قدام الورشة ولا حمار يخبطني ولا بعدي الشارع .
حب الوطن واب يموت ابنه . دا في الافلام بس
لكن في الواقع .. الواحد مش بيعيش غير مرة
اولا بشكرك على زيارتك لمدونتى وكلامك الجميل...الف شكر
اما بقه يا سيدى مصر تستاهل عشره 6 اكتوبر عشان نعبر بيه عن حبنا ليها وبعدين الانتماء وحب الوطن شى بيجرى فى دم الواحد زيه زى باقى مكونات الدم
وزى افلام على عبد الخالق الوطنيه
بس ايه صحيح كيك دى يعنى مخنوق
ماشى كلنا كده انما ايه كيك دى
ارجو توضحالنا بس دونتك جميله ولذيذه قوى
واجمل ما فيها انها لينا
للمجانيين يعنى..
محاسن صابر
ايه رايك تغيري اسمك وتخليه محاسن الصدف
الانتماء حاجة جوانا فعلا بس ازاي مكونات الدم .. هو الدم فيه ملح وسكر ومكرونة والكلام ده ؟؟ ههههههههههه
بهرج طبعا
كيك دي كلمة عصرية معناها " اوي " زي ما جاوبت عليها قبل كده لاحد المعجبين
مفيش احلي من الجنان
هو ده الطريق اللي كلنا بنمشي فيه عشان نلاقي نفسنا ساعات
يللا تصبحي علي خير
إرسال تعليق