السبت، 25 أكتوبر 2008

حرية التعــبير ووجـهه النـــظر ... طريقـــان للتـــخلف



ازيكم يا جماعة

معلش كنت غايب عنكم الفتره اللي فاتت دي اصل الاستثمار الالكتروني ده هيخرب بيتي وواكل عقلي وهيوديني كوكب زحل
لسه خلصان من دفع مقدم شقة الكترونية علي النت المنطقة السلكية السابعة

وانت رايح علي جوجل من المحور ...... او دريم
بس الحمد لله شقة فخمة غرفتين شات وحمام الكتروني وصرف علي الهوت ميل ومطبخ امريكي وكام ايقونه لزوم الاكل

حاليا بدور علي عروسة عشان استقر بقي
تكون عروسة سريعة دومينها كبير شعرها طويل بشرتها ذهبية يفضل حساب مجاني موقع ايجي باكس

ندخل بقي في موضعنا
احلي حاجة في شعب مصر انه بيحب يقلد كل شعوب العالم . في اللبس آرش في الاكل طبعا مطاعم صيني
وسوري و ايطالي الله ينور . روح بس سيتي استارز وانت هتقلب جنسية تانيه

حتي الاحتفال بالفلانتاين من بره وكل العادات والتقاليد من بره . هوم ديلفري يعني
نيجي بقي للنقطة اللي مينفعش ناخدها منهم لاننا شعب همج شوية ومينفعش النظام فيه خاااااااااااااااالص

دي حكيكة . حتي اتفرج علي برنامج الحكيكة لوائل الابراشي وانت تعرف .
حرية التعبير ووجهة النظر في بلاد الغرب رقم واحد واسمها ديموقراطية عندهم

بس ممكن نعرف حرية التعبير عندهم في ايه ؟؟ الحرية الشخصية عندهم في الاكل في الشرب
في الحياه في الصياعة في شرب الخمر في الجواز في اختيار البوي فريند والجرل فريند في اي حاجة . لانهم ببساطة
معندهم دين معندهم قوااعد معندهمش ايمان ببكره

وجهة النظر عندهم في ضرب العراق او لا . الدين الاسلامي دين صح او لا . الدين المسيحي موجود اصلا او لا .
هي دي وجهات النظر . والحرية الشخصية عندهم
لما يكرهوا رئيس دولة يشيلوه الاسعار غليت بريزه يعملوا مظاهرات ويرجع الحال احسن من الاول

الحرية عند الغرب مينفعش تبقي زي عندنا . احنا حريتنا في اعتزازنا بدينا . اسلامنا حررنا من عباده العباد الي عباده رب العباد . لكن الحرية في الغرب عملت ايه ؟؟
الغرب كان بيعاني من قيود عبوديه الكنيسة .. ولكنه حصل علي حريته بالثورة علي الدين !!

اذن فالحرية عند الغرب تنبع من العلمانية واللادين والاستقلاليه عن الدين والبعد لانه هو القيد الذي كبلهم سنين طويله
لو عايزين تعملوا كده اعملوا .. وهتوصلوا بالطبع الي نفس النتيجة
بالكذب تفعل كل شئ . وان لم تستطع فابحث عن ما يؤلمني وافعله وان لم تتمكن فانشر في عقلي فكرا مغلوطا واقنعني به
هو ده اللي الغرب ذرعه جوانا .. حريه هتودينا في ستين داهيه
ليه احنا دايما باصين ان حرية التعبير وجهة النظر في الحاجات الغلط ؟؟ ليه شايفين ان العري في الشارع دا اظهار لجمال الفتاه اللي ربنا ادهولها ( وجهة نظر )
وشايفين ان التمثيل فن ورسالة ( حرية راي ) وشايفين ان البوس في الفيلم مجرد تمثيل علي راي علي ابو شادي
عشانا لغرب بيعمل كده ولازم نعمل زيه !!

طبعا كل واحد عجبه عقله وماشي بيه . ميعرفش ان فيه حاجة اسمها " هوي النفس وحكم النفس علي النفس "

ودايما شايفين الغلط في الاخر . حرية راي
والاعتراض لمجرد الاعتراض . وجهة نظر

احنا كده هنرجع للعصر الحجري لان مفيش عندنا مبادئ ولا خط مستقيم نمشي عليه
اصبح وجهات النظر وحرية الراي تبرير لكل شئ غلط بيحصل في البلد وبيحصل في الشارع وبيحصل في البيت
دا حتي وصل للمدونات

واحد يطلع يشتم ويمسح ويمشي علي الحيط .. طبعا مدونتي وانا حر فيها
امسح ده اشطب راي ده .. طبعا حرية راي ووجهة نظر . انا شايف ان الانسان ده غبي ومتخلف ويجب اعدامه في ميدان عام

انا شايف ان البلد حالها بيتدمر بما يسمونة الان بحرية شخصية ووجهة نظر , لانه مش موجود اصلا بالمفهوم الصحيح
ليه منسمعش كلام الكبير قدرا في العلم
ليه كل واحد عايز يعمل فيها ابو العريف ويطلع مواثيق علي مزاجه ؟؟ لماذا اصبحت وجهة النظر في نشر الفساد فقط واباحه الحرام
كل واحد يطلع يتريأ شويه علي عالم جليل ويقذف المحصنات بغير حق ويقول دول ولاد كلب

وجهه النظر وحرية التعبير الغت ما يسمي بالخطأ والصواب
الغت ما يسمي بالعقاب والثواب

الغت كل شئ في حياتنا . اللي عايز يعمل صح يعمل . طبعا وجهه نظر . اللي عايز يمشي ملط في الشارع
طبعا براحته حرية شخصية

وجهه النظر يلزمها رجل حكيم ليديرها والحرية الشخصية يلزمها قواعد تحكمها

مش عايزين ندخل مناخيرنا في كل حاجة ونقول دا مجرد راي . بلاش تجريح وسب وشتم تحت رايه وجهه نظر .
بلاش تعدي علي الاديان عن جهل . بلاش الاستهزاء بفكر الاخر لانك ممكن تتعلم منه في يوم من الايام

عشان الناس دي حالها يتقدم والفكر يتطور لازم نفرق بين (الحرية و التقاليد الاخلاقية ). بين ( الشهوات والنزوات , والاستقامة )
لازم نفرق بين ( الكبرياء , الغباء )

اصبح مفهوم الحرية عندنا يحيطه الكثير من الغموض وغير واضح تماما . وفيه الكثير من المفاهيم الخاطئة . يجب علينا التفكير حولها حتي نتمكن من حلها , لازم نحط قواعد لتفكيرنا ونحكم افعالنا . لاننا لو فضلنا كده هنعيط علي حالنا .
وهنقول يا ريت حد قالنا الطريق ده صح والطريق ده غلط

اقابلكم في حلقة تانيه من برنامج .. (( بوس الواوا )


هناك 11 تعليقًا:

ABOALI يقول...

يا عينى عليك
البوست ده نسميه عقلانى كيك
الكلام فعلا مس واقع مرير بدء
تحيز للافكار وعدم الرغبه فى سماع الاخر ووجهة نظره
عدم وجود المنطقية فى الحوار
واختلال البعد الاخلاقى وسوء الادب فى التعبير
والحال ده نسمية مهلبيه او سلطه
وهو بعيد تماما عن الفكر الذى يرتقى بصاحبه
عدم وضوع الرؤية عند البعض والكبر فى عدم التنازل عن التحيز للراءى
جعل الجميع يقترب من ابليس فى عصيان ربه بسبب كبره
ولم ينظر الجميع الى حكمة الله وعفوه عن ادم عندما اناب واستغفر
فنزلت عليه رحمات الله


جميل جدا البوست واحييك عليه وعلى ماطرحته فيه

mohamed ghalia يقول...

طبعا كل واحد عجبه عقله وماشي بيه . ميعرفش ان فيه حاجة اسمه هوي النفس وحكم النفس علي النفس

بصراحة حضرتك لخصت الكلام فى الجملة دى فعلا.
ربنا يهديهم
تقبل تحياتى
دمت بود

mahasen saber يقول...

الله عليك افضت واستفضت ..
وشرحت ووضحت
........
احنا عايزين ناس كتير تشوف الحريه بمنظورك كده عشان احنا فاهمنا غلط ولما بنطبقها بنعمل كوارث....
.....
شكلك شبعت فعرفت تركز وترجع ببوست هايل

اقصوصه يقول...

موضوع قيم وجميل

مررت من هنا:)

د/ رامي شهاب الدين يقول...

تؤ تؤ تؤ تؤ


كده بقى أنا بدأت أزعل .. إيه ياعم مود الجد إللى إنت دخلت فيه ده؟؟

عموما أنا متفق معاك فعلا .. وشايف إن الكلمتين إللى إنت كاتبهم فى عنوان البوست بقوا شئ مطاط أوى ، وأى حد عايز يعمل أى حاجة فى أى موضوع فى أى حتة فى البلد دى يقول لك دى حرية تعبير ووجهة نظر

قبل ما أمشى وأقوم عايز أقول لك على حاجة .. أنا لقيت لك عروسة مجانية بالمواصفات إللى انت قلتها .. لأ وإيه من عيلة .. قصدى سيرفر مية مية

إوعى تكتب جد كدة تانى .. وإلا مش هاجى هنا تانى .. ياوحش

يلا .. سلاموز

مخنوق كيك يقول...

ابو علي حبيب هارتي

شكرا علي مشاركتك الغاليه يا غالي
ونتقابل في الجمعية اللي جايه

--------------

mohamed ghalia

شكرا يا باشا علي ردك وعلي اتفاقك معي في وجهه النظر ..

--------------

mahasen saber

علي فكرة الموضوع ده جالي كده وانا باكل مكرونة بالتونة . باين ان التونة دي كانت مغشوشة وللا ايه خلتني اعقل ..

بس انا مشبعتش ولا حاجة انا راجع للمجانيين من جديد بس اخلص التونة اللي في ايديا دي

----------------

اقصوصة ... شكرا يا قصقوصة علي المداخله

---------------

دكتور رامي شهاب

مش عارف ليه يا دكتور لما بشوفك رديت علي موضوعي احس اني نفسي في حاجة حرشة .. هههههههه بهرج طبعا يا حبي

بس انا سعيد والله بمداخلتك واوعدك اني مش هدخل في المود ده تاني . وكما اعترفت سابقا ان احتمال تكون التونة اللي كلتها كانت مدة الصلاحية بتاعتها خلصت وللا حاجة ..فخلتني اقول حاجات غلط

بخصوص العروسة يا كبير . انا عايزك تحددلي معاد معاها عشان نبقي نسايب بقي ونبقي مدونة واحده

------------------

شكرا يا بشر علي ردودكم كلكم واوعدكم ان كل واحد هيرد بعد كده هجبلوا رغيف حواوشي علي حسابي

غير معرف يقول...

ايه المواضيع الجامده كيك ده
بس انت نسيت تذكرنى فى الموضوع ده ههههههههههه ثم بلاش كدب انت الموضوع ده جالك وانت بتتحاور معايامش وانت بتاكل
وجهز نفسك يوم الجمعه للبنج لسوف انتقم
اشطه يامان
زيلالالالالالالالالالالالالالالالالالام

mahasen saber يقول...

هو انتا جاتلك تخمه من الشبع ...
اخبارك ايه ومفيش بوست ضارب جديد ليه
.....
يا ربتكترالتونه المره دى على المكونه

د/ رامي شهاب الدين يقول...

شكلك شلت كتير فى البنج

فوق بقى ياعم وإكتب لنا موضوع جديد

بس وحياتك بلاش المواضيع الجادة

على فكرة .. ليك عندى تاج ياريت تجاوبه فى السريع المتدلع بقى

تحياتى

حاجات عيال يقول...

الله على الكلام الجميل
خير الكلام ماقل ودل
هو صحيح ماقلش أوي لكن دل
بوست جميل يا فندم
تحياتي

حاجات عيال يقول...
أزال المؤلف هذا التعليق.