الأحد، 12 أكتوبر 2008

كونيــشوا .. اريجــــاتو .. كـــــــيزن



جماهيري الاعزاء
اهلا بكم ومرحبا من جديد .. علي ارض مدونتي

احب اشكر كل الناس الحلوة اللي متابعاني وبتشرفني وبتنورني
احنا بقينا في زمن ما يعلم نهايته غير ربنا عز وجل .. وانشاء طريق للنجاح اصبح صعب
اصبحنا عايشين في تشتت فكري واخلاقي وانحدار ثقافي علي اعلي مستوي . وكل ذاهب الي الهاوية اللا من رحب ربي

اصبحنا في عصر اختلطت فيه المصطلحات مع تحول الجهل الي صناعة والثقافة الي تجارة والابداع الحقيقي الي تهمة . للاسف
اصبحنا في عصر يحلو للشيطان فيه ان يختفي خلف الكثير من العمائم متصدرا الوعظ والارشاد بينما يصرخ الحق والعدل من التعذيب
في غياب العقول . فلا يابه لهم احدا

والواحد بقي بيحتاج دوافع كتير عشان حياته تستمر
سواء بتشجيع الغير ليه او بثقته في نفسه او باستغلال قدراته واكتشاف مواهبه
يروي ان احد الشباب ذهب الي احد حكماء الصين ليتعلم منه سر النجاح
الشاب قاله انا عايز اعرف سر النجاح

رد الحكيم وقاله : سر النجاح هو الدافع
ساله الشاب : ومن اين تاتي هذه الدوافع ؟
رد الحكيم وقاله : تاتي من الرغبات المشتعله

فساله الشاب : ومن اين تاتي الرغبات المشتعله ؟ حين اذن تركه الحكيم وعاد اليه بعد بضع دقائق محضرا معه اناءا به ماء
فطلب الحكيم من الشاب ان يقترب وينظر الي الماء . فعندما نظر الشاب الي الماء عن قرب ضغط الحكيم بكلتا يديه علي راس الشاب
مغمرا راسه في الماء .

مرت عده ثواني ولم يتحرك الشاب , ثم بدا ببطئ يخرج راسه فلم يستطع ولما بدا يشعر بالاختناق قاوم بشده حتي نجح في تخليص نفسه واخرج راسه من الماء ونظر الي الحكيم الصيني وقال له في غضب : ما هذا الذي فعلته ؟

فقال له الحكيم في ابتسامة هادئة : ماذا تعلمت من هذه التجربه ؟
فاجابه الشاب : لا شئ

فقال له الحكيم ومازالت البسمة لا تفارق وجهة : لا لقد تعلمت الكثير . لقد اردت في بادئ الامر ان تخلص نفسك ولكن لم تكن
دوافعك كافيه وبدات بعد ذلك في التحرك والمقاومة ولكن ببطئ حيث ان دوافعك لم تكن قد وصلت لاعلي درجاتها .
واخيرا عندما اصبح لديك الرغبة المشتعله لتخليص نفسك نجحت . لانه لم تكن هناك اي قوة في استطاعتها ان توقفك .

ثم اضاف الحكيم قائلا ً "عندما يكون لديك الرغبة المشتعلة للنجاح فلن يستطيع أحد إيقافك"

قصة جميلة عجبتني اوي لانها بتخاطب القوة الكامنة داخل كل واحد فينا . واد ايه الواحد جواه قوه كافية لتحقيق النجاح اللي
هو عايزه وعايز يوصله

اليابان مؤمنه بثلاث كلمات وهم سر تقدمها في العالم وسر تصدرها للمرتبه الاولي في التكنولوجيا وهم :

كونيشوا .. اريجاتو .. كيزن

الاولي هي اهلا ومرحبا " تدل علي قوة الترابط بينهم وانهم اسره واحده "
الثانيه هي شكرا " تدل علي مساعدتهم للغير وتقديم الاحترام الكامل لهم "
الثالثه هي احسن عملك " وهي بمنتهي البساطة . يجب ان تتقن عملك لكي تكون مميزا "

واخيرا . متي سياتي اليوم الذي سيكون فيه شعارنا

كونيشوا . اريجاتو . كيزن





هناك 17 تعليقًا:

غير معرف يقول...

يووووووووووووبى
أحجز أول تعليق

غير معرف يقول...

على فكرة البوست هايل أوى و عايزة أقولك انه جه فى ميعاده




عن إذنك اروح أطلع راسى من المية؛)


كونيشوا .. اريجاتو .. كيزن

مخنوق كيك يقول...

انا ودماغي

شكرا علي تعليقك الجميل

وروحي طلعي راسك من المية بس خلي بالك تطرطشي علينا

كونيشوا اريجاتو كيزن

mohamed ghalia يقول...

عندما يكون لديك الرغبة المشتعلة للنجاح فلن يستطيع أحد إيقافك
فعلا نصيحة غالية قوى
تقبل تحياتى
دمت بود

د/ رامي شهاب الدين يقول...

إنت بتقول عندما يكون لديك الرغبة المشتعلة للنجاح فلن يستطيع أحد إيقافك

طب إللى معهوش كبريت عشان يشعلل الموضوع ده يعمل إيه ؟ طب ممكن نخليها رغبة مشطشطة؟ أصلى بحب الشطة أوى هههه


نديها شوية جد بقى .. رغم إنى ليا فيه بس على خفيف

طبعا عشان نطبق الشعار اليابانى ده عندنا فى بلدنا المحترم ، لازم كتير من الثقافات والحيثيات الموجودة فينا تتغير

بمعنى إننا لازم نطبق التجربة اليابانية من الألف للياء .. يعنى ساعات العمل تبقى زيهم ، الجد والنشاط بتاعهم يتنقل عندنا بدل النوم على المكاتب الخ.. وطبعا الكلام ده فى المشمش يامعلم

الموضوع كبير وعاوز له قعدة لو فردنا فيه مش هنخلص .. بس أعتقد إنى قلت إللى أنا عايزه بشئ من الإيجاز

شكرا يامخنوق كيك وسلم لى على هريدى

كـــيــــــــارا يقول...

امتي فيعلا يكون ده شعارنا

مخنوق كيك يقول...

mohamed ghalia

اشكرك مداختلك الطيبة واتمني اشوفك علي طول بتنور مواضيعي

مخنوق كيك يقول...

د/رامي شهاب

احلي كلام هو اول سطر لانه في صميم المدونة وللمجانين فقط
مشكلة الكبريت انا رايي تشتري ولاعة وتخليها في درج التلاجة عشان لما تحتاجها

اما بقي بالنسبة للكلام الوحش اللي هو الجاد ده
هي ايه التجربه اليابانيه دي صحيح ؟ انا اسمع عن الدانمركية عن التجربه الهرمية بتاعه شارع الهرم .. مش فاهم ؟

بس يا رب ناخد نشاطهم واجتهادهم وجديتهم لاننا فعلا ساعتها هنكون بني ادمين منتجين فعلا

اشكرك علي المشمشم اللي انت جبته معاك وانت جاي
هبلغ هريدي بسلامك وقبلاتك

لا تقلق

مخنوق كيك يقول...

كيارا

عاشقة البيبسي والشوكولاته

هيبقي دا شعارنا لما نبقي مجانين رسمي

تخيلي لو انتي مشيتي في الشارع وقعدتي تقولي كونيشوا اريجاتو

هتلاقيهم بيسحبوكي فوري علي مستشفي عزام في العباسية

وسلميلي علي مصر

SHAPE YOUR LIFE (ABOALI) يقول...

لقد صبئت يا رجل
اتخرج عن دين ابائك واجدادك
وتستعمل التعوزيات
وتريد ان نطبقها علينا
خسئت يا كيك

بلدى يا بلد القلعة
والطعمية السخنة الولعة
قال ايه عاوزين يغيروكى
ونسييب الفول والجميز
والناس تبطل طابور العيش
اعهدك يا بلدى
انى على القسم مسئول
وكل فكر فيكى
لابد جوه القمم يكون
يا مصرى يا هندسه
والسباكين والناس الكويسه
ارفع راسك لفوق
علشان عشماوى فوق
جاهز ليك وكله شوق

وعجبىىىىىىىىىىى


كوننشوا عليك وعلى اجدادك

SHAPE YOUR LIFE (ABOALI) يقول...

لقد صبئت يا رجل
اتخرج عن دين ابائك واجدادك
وتستعمل التعوزيات
وتريد ان نطبقها علينا
خسئت يا كيك

بلدى يا بلد القلعة
والطعمية السخنة الولعة
قال ايه عاوزين يغيروكى
ونسييب الفول والجميز
والناس تبطل طابور العيش
اعهدك يا بلدى
انى على القسم مسئول
وكل فكر فيكى
لابد جوه القمم يكون
يا مصرى يا هندسه
والسباكين والناس الكويسه
ارفع راسك لفوق
علشان عشماوى فوق
جاهز ليك وكله شوق

وعجبىىىىىىىىىىى


كوننشوا عليك وعلى اجدادك

Desert cat يقول...

كلام ممتاز جدا يا عزيزى واكتر من رائع
لكن معلشى تصحيح لغوى
الا ما رحم ربى وليست الا ما رحب ربى
تقبلى مرورى
مودتى واحترامى

Mina يقول...

ليك عندي تاج
الحقه قبل مايحمض
تحياتي علي البوست الهايل

مخنوق كيك يقول...

ابو علي

شكرا علي مداخلتك الجميلة

وشكرا علي الشتيمة يا عم بس انا مسامح

manamido

ابقي ابعته ديليفري علي هنا يمكن اشوفه

الجواز و سنينه يقول...

هههههههههههه
عجبنى اوى اسم الموضوع
حسيت ان فيه حاجه غلط
يا اما دى تميمه بتصرف العفاريت مثلا
او اسم دوا مش موجود فى مصر
او انى مش عارفه اقرأ و العيب فيه
طلع انه اسم مش من هنا
بس بوست هااااااايل و الله

عايش علي الهامش يقول...

بلوووووب بللووووب .... فقاقيع ميه طالعه وروحي هتطلع معاها ولا حماس ولا رغبه مشتعله
لا استني ايوه انا حاسس بيها مش هي تقريبا رغبه انك تقتل صاحب الموضوع
مش عارف هو راجل طيب ولا ايه بس غالبا هقتله وبالمقروطه كمان
ياعم اليابنين كلهم ربع متر في ربع متر
يعني رغبه خمسين سم تخليهم اخر حلاوه ومشتعلين احنا عاوزين نندفن الاول وبعدين احنا صحححححححححححححححه
لو سمعت اني غرقت في الجرايد اعرف اني هرجعلك تاني وهجرب معاك التجربه اليابانيه برضه
الشعار الياباني كان شعار مصري في وقن من الاوقات بس تقريبا الصين ضربته كالعاده
شكرا ليك

مخنوق كيك يقول...

عايش علي الهامش

انت ورايا ورايا ؟؟

مين دول يا عم اللي متر في متر . اليابانيين دول لو مسكوا الصعايده عندنا هيشقلطوهم

خليك انت بس في كوز المية بتاعك ده وحاس لتغرق

سلاموز بالموز